Iste’mol ehtiyojlariga kredit O’zbekiston Respublikasi fuqarolariga ularning yashash joylaridagi “Asaka” bankning hududiy filiallari tomonidan quyidagi shartlarda beriladi:

• Muddati – uzaytirish huquqisiz 3 yilgacha;
• Miqdori – 10 mln. so’mgacha;
• Kreditni to’lash tartibi – har oyda bir miqdorda pul mablag’larini kiritish yo’li bilan;
• Foiz stavkasi – yiliga 14%, kredit bo’yicha foizlar har oyda to’lanadi;
• Kredit maqsadi – O’zbekiston Respublikasida ishlab chiqarilgan mahsulot va raqdim etilgan xizmatlar uchun to’lov, shu jumladan:
• Maishiy, komputer texnikasi, radio- va teleapparatlarni sotib olish bilan bog’liq harajatlar;
• Uy anjomlari, mebel, va boshqa jihozlar, uy xonalarini jihozlash va yangilash uchun mo’ljallangan anjomlarni sotib olish bilan bog’liq harajatlar;
• O’zbekiston Respublikasi hududidagi davolash-profilaktika maskanlari, kurort, orovgoh, dam olish uylarida davolanish va dam olish uchun o’llanmalarni sotib olish bilan bog’liq harajatlar;
• Marosimlar o’kazish (to’y, yubiley) bilan bog’liq harajatlar;
• «GM-Uzbekistan» tomonidan ishlab chiqarilgan shaxsiy transport vositalarini ta’mirlash bilan bog’liq harajatlar;

O’zbekiston Respublikasi Markaziy Bankining “Tijorat banklari tomonidan yosh oilalarga imtiyozli asosda kredit berish to’g’risida”gi Nizomiga (18.07.2007 yil, 1697-sonli) muvofiq, yosh oila toifasiga kiruvchi qarz oluvchilarga quyidagi imtiyozlar belgilangan:

• Kredit olingandan so’ng 6 oylik imtiyozli davr. Imtiyozli davr tugagandan so’ng keyingi oydan boshlab asosiy qarz bo’yicha har oyda bir xil miqdorda to’lov amalga oshiriladi;
• Foiz stavkasi – yiliga 12%, kredit bo’yicha foizlar har oyda to’lanadi;

Imtiyozli davrda foizlar hisoblanmaydi va undirilmaydi.

Kredinti rasmiylashtirish va berish tartibi

Kredit olish uchun qarz oluvchi quyidagi hujjatlarni taqdim etishi kerak:

• Kredit olish to’g’risida ariza;
• Doimiy ro’yxatdan o’tganligi to’g’risidagi muhr qo’yilgan pasport, muddatli harbiy xizmatni o’tayotgan harbiy xizmatchilar harbiy bilet yoki harbiy xizmatchi guvohnomasini taqdim etadi, qarz oluvchining turar joyidan ma’lumotnoma;
• Oxirgi 12 oyda doimiy ish joyidan olingan daromadlar to’g’risida ma’lumotnoma (xususiy tadbirkorlar kredit muddati davomida amalda bo’ladigan patentni taqdim etishadi) yoki boshqa daromadlarni tasdiqlovchi hujjat;
• Savdo tashkilotining oldi-sotdi shartnomasi (hisob-varaqa);
• Nikoh to’g’risidagi guvohnomaning notarius tomonidan tasdiqlangan nusxasi (kredit yosh oila a’zosiga rasmiylashtirilayotgan bo’lsa).
• Notarius tomonidan tasdiqlangan jismoniy shaxsning kafilligi (bunda kafil beruvchining to’lash qobiliyati kamida oxirgi 12 oyda doimiy ish joyidan olgan daromadlari to’g’risidagi ma’lumotnoma bilan tasdiqlanishi kerak).