«Asaka» Davlat-aktsiyadorlik tijorat banki (ochiq aksiyadorlik jamiyati) mamlakatimizning moliyaviy xizmatlar bozorida 16 yildan ortiq davrda faoliyat ko’rsatib kelmoqda. Bank 1995 yilda tashkil etilgan. Aktsiyadorlari — O’zbekiston Respublikasi Moliya vazirligi (61,30%), «O’zavtosanoat» Aktsiyadorlik Kompaniyasi (15,35%), O’zbekiston Respublikasining tiklanish va taraqqiyot jamg’armasi (15,33%), «UzGazOil» MChJ (5,33%), «O’zbekiston temir yo’llаri» DАK (1,33%), «Olmаliq TMK» OАJ (0,80%), «O’zbektelekom» Аksiyadorlik Kompаniyasi (0,29%), «O’zаgrosug’urtа» DASK (0,13%), «Uzbekinvest» EIMSK (0,13%).

Kapital va aktivlar hajmi bo’yicha respublika tijorat banklari o’rtasida yetakchi banklardan biridir. Hududiy tarmoq O’zbekiston Respublikasi butun hududini qamrab olib 26 ta filial va 112 ta mini-bankdan iborat. Bozorda keng hajmda an’anaviy va zamonaviy bank xizmatlarini taqdim etuvchi yirik universal moliyaviy-kredit instituti sifatida o’rin egallangan.

«Asaka» bank xizmatlaridan foydalanuvchi xo’jalik yurutuvchi sub’yektlarning soni — 30,3 ming nafardan ortiq. Ular qatorida mashinasozlik, aniq mashinasozlik va asbobsozlik, metallarga ishlov berish, konchilik, energetika, qurilish majmuasi, paxtani qayta ishlash sanoati, to’qimachilik sanoati, dori-darmon ishlab chiqarish, nashriyot, oziq-ovqat sanoati, qishloq xo’jaligi, transport va aloqa, savdo va umumiy ovqatlanish, xizmat ko’rsatish kabi va iqtisodiyotning boshqa sohalarida faoliyat ko’rsatayotgan korxonalar vakillari mavjud. Xizmatlardan foydalanayotgan jismoniy shaxslarning soni 1 040,8 ming nafardan ortiq.

Bankning chakana xizmatlaridan muntazam ravishda foydalanuvchilar soni 1 million nafardan oshdi.

«Asaka» bank tashqi iqtisodiy hamkorlikning faol ishtirokchisi. Mamlakatimiz iqtisodining strategik sohalarini rivojlantirishga bevosita xorijiy sarmoyalarni jalb etishga ko’maklashib kelmoqda. 350 dan ziyod etakchi xorijiy banklar bilan korrespondent munosabatlari o’rnatilgan.

Nufuzli xorijiy «Euromoney», «Global Finance» va «The Banker» nashriyotlari tomonidan «O’zbekistonning eng yaxshi banki» unvoniga bir necha bor sazovor bo’ldi.

«Asaka» bank o’zining xalqaro maydondagi maqomiga katta etibor qaratadi. Hususan, bank doimiy tarzda xalqaro reyting agentliklari tomonidan yuqori reyting baholariga sazovor bo’lmoqda.

2012 yilning 1 yanvar holatiga jami aktivlar hajmi 3,5 trln. so’mni, kredit qo’yilmalari 1,6 trln. so’mni tashkil qildi. Kredit qo’yilmalari tarkibida uzoq muddatli kreditlar salmofi 78,3 foizni tashkil qildi.

Bank jami kapitali 488,7 mlrd. so’mni tashkil etdi.